Makina bat aitzaki izan da festetan elkarrekin jan-edan, dantzatu, ikusi, entzun, gozatu… eta abar egiteko.
Zalantzarik gabe, bada zer hobetua baina aurtengoa ere “nota onakin” pasa dugu.
|
|
0 iruzkin
Ez da momentuko joera edo kapritxoa: benetan sinisten dugu emakueen partaidetzarako gaitasunean. Belkoaingo igoerako sariak prestatu genituenean ere, emakume eta gizonezkoei sari berberak jarri genizkien nahiz eta jakin askoz ere gutxiago izango zirela partaideen artean.
Herri kirolen mundua gizonezkoen mundua izan da baina uste dugu, antolatzaile ezberdinok eman behar diogula emakumearen partaidetzari bultzada. Hala uste eta sinistuta, aurten bigarren urtez eta arrakasta handiz antolatu ditugu herri kirolak emakumeen partaidetza soilarekin: prestaketa gero eta hobea eta ikuskizun zintzoa izan da erakutsi digutena… Sorabillan jarraituko dugu partaidetza bultzatzen eta gizonezkoen tratu berbera ematen sarietan… Eta horretan animatu nahi ditugu beste antolatzaile batzuk ere.
Gizonezkoak bigarren “planoan” egon dira aurtengo herri kiroletan.
Gehienez ere, laguntzaile.
Ane Arrospide, Maider Manzisidor, Maika Aristegi eta Mari Jose Sardon-ek jardun zuten egurrekin, txinga eta ingudearekin edota harriekin.
|
|
0 iruzkin
Arrakastatsu suertatu zen I. Belkoain igoerako lasterketa herrikoia. Eguraldia lagun, ia 50 korrikalarik hartu zuen parte.
Zumeatarrak lagundu du antolakuntza teknikoan eta hori eskertzeko, “Pakitin”-ek, Sorabillako domina jaso zuen.
Giro ederra eta sari ugari izan zen parte hartzaiileen artean.
Lasterketaren kronika eta sailkapena gehi denborak AIURRI-n.
|
|
0 iruzkin
Aurtengo jaietan estreinatu berri da “Erramuta” biribilketa. Egilea, margolari eta, zehatzago esan, paisaiak margotzeko zaletasuna izanik, arrantzatik bueltan zetorrela konposatzen omen zituen zatika hainbat abesti.
Erramuta Andoaindik ederki ikusten da eta Erramutatik Andoain ere bai: ikuspegi horrek deitzen omen dio atentzioa… Egilea, Juan Bautista Barandiaran margolari, musikari eta konposatzailea da. Bihotzetik eskertu diogu bere lana, zalantzarik gabe, gure kultur ondarea aberastera datorrelako.
Juan Bautistak, festetako zapia eta Sorabillako domina jaso zituen.
|
|
0 iruzkin
Aitor Mendiluzeren testuaren inguruan, Harkaitz Martinez-Igor Otxoa (OREKA TX txalaparta), Iban Nikolai (Didjeridooa), Eneritz eta Izaro Jauregi (flauta eta bibolina) eta Leyre Otermin (irudiak) sortutako ikusentzunezkoa.
Ekitaldiaren bideo ikusi ahal izateko, AIURRI aldizkarira jo daiteke edo honako estekan zuzenean ikusi:
http://www.aiurri.com/bideoak.php?id_edukia=6674&id_herria=3&tituloa=
|
|
0 iruzkin
Aurten ere, txupinazoa, kanpai errepika, buruhandi eta trikitixak “zurrakapotez” busti… Naturaren Hotsak entzun… eta zikiro afaria izango dugu jaiak elkarrekin eta giro ezin hobean hasteko!
|
|
0 iruzkin
Aurten ere munduaren bi muturretako doinuak elkartuko ditugu Aitor Mendiluzek sortutako “Bihotzetik” textuaren inguruan: batetik, euskal txalaparta (OREKA TX-eko Harkaitz Martinez eta Igor Otxoa, Mikel Ugartek lagundurik) eta Australiako didjeridooa (Iban Nikolai) bestetik. Textuaren irakurketa Aitziber Sarasolak egingo du, Eneritz Jauregi (flauta) eta Izaro Jauregik (biolina) lagundurik. Argazkiak, berriz, Leyre Oterminen kolekziokoak.
Argazkian, Iban Nikolai, iazko ekitaldian.
|
|
0 iruzkin
Argazkia ikusita, edozeinek hartuko luke beldurra. Argazkilaria “Azelaingo zubian” dago eta bertatik joan nahiko luke Sorabillara, INQUITEX lantokira, Adunako bidera, Tolosarako autobus geltokira… edo “Santio Bidea” eginez dator (argazkia handituz gero, han atzekaldean ikus daiteke seinale ikurra). Baina nola pasa ez badago oinezkoentzako pasabiderik?
Ba al dakizu Ertzaintzak bati baino gehiagori esan izan diola “hortik ezin da pasa”? Nondik ba!!!!!
|
|
0 iruzkin
Azelaingo zubiaren irudia hartu zuen “Sorabillako Alkatetzak” bere zigilu ofizialerako.
Orain ez zubi ez alkatetza, … … bizilagun guztion indarrek eman ahal izango diote buelta egoerari.
|
|
0 iruzkin
Aurtengo Sorabillako festetako irudi nagusia “Azelaingo zubia” izango da. Sorabilla eta Andoain lotzen zitueneko lehenengotako zubia izan zen Oria ibaiaren gainean. Baina pixkanaka errepideek jan zuten eta gaur egun kotxeak dira nagusi: nahi dugu, behar dugu sorabillatarrok oinezkoentzako zubi bat!
|
|
0 iruzkin